Мақалада Жезқазған қаласын мысал ретінде ала отырып, Қазақстандағы моноқалалардың әлеуметтік-экономикалық тұрғыда дамуы зерттеледі. 1046 респондент қатысқан  әлеуметтік зерттеу негізінде азаматтардың моноқалаларда өмір сүру жағдайларына қанағаттануы талданып, сондай-ақ осы өңірдің тұрақты даму проблемалары және әлеуметтік-экономикалық трансформация перспективалары анықталды. Зерттеу нәтижелері моноқаланың негізгі проблемасы оның қала құраушы кәсіпорынға тәуелді екенін көрсетті, бұл өз кезегінде, экономиканың басқа да салаларының дамуына әсер етеді. Мұнымен қатар сауалнама нәтижелері көптеген тұрғынның басқа өңірлерге қоныс аударуға деген ниетті екенін анықтады (сұралғандардың 78%). Алынған мәліметтер негізінде моноқалалардағы әлеуметтік-экономикалық жағдайды жақсарту бойынша ұсыныстар әзірленді.