Ғылыми мақалада жастардың құқықтық мәдениетін қалыптастыру мәселелері зерделенеді. Құқықтық мәдениет қазақстандықтардың дүниетанымына құндылықтық мән беретін және халықтың құқықтық санасын қалыптастырудың негізі болып табылатын құбылыс ретінде қарастырылады. Жастардың құқықтық мәдениеті - олардың жас ерекшеліктеріне сәйкес, құқықтық мәдениет элементтерін қоғамдағы шынайы құбылыс ретінде қабылдауды мақсат ететін, арнайы ұйымдастырылған педагогикалық әрекет. Сондықтан, жастардың құқықтық мәдениеті жалпы мәдениеттің элементі ретінде сол жастардың құқықтық санасын қалыптастыру мен дамытудың нәтижесі болып табылады. Жастардың құқықтық мәдениетінің бөлігі ретіндегі құқықтық сананы арттыру мәселелерін шешу үшін құқықтық тәрбиенің тиімділігі мен сапасы мәселесіне көп көңіл бөлу қажет.