Жоғары білім әлеуметтік мобильдікке ықпал ететін фактор және әлеуметтік жіктеу факторы да бола алады. Егер жоғары білімге қолжетімділік сақталса – әлеуметтік мобильдікке мүмкіндік ашылады, әлеуметтік теңсіздік орын алса – әлеуметтік дифференциация болады. Жалпы, Қазақстанда әлеуметтік-экономикалық жағдайына тәуелсіз барлық жас категориялары үшін жоғары білімге қолжетімділік кеңеюде: жоғары оқу орындарының саны, соның ішінде жекеменшік оқу орындары артуда. Сонымен қатар, жылдан жылға білім беру гранттарының саны көбеюде. Дегенмен, жоғары білім алудың ақылы формасының дамуы мен білім беру грантының иесі атану үшін ұлттық тестілеуде жоғары көрсеткіш жинау мақсатында ақылы дайындық курстарын алу қажеттілігі жоғары білімге қолжетімділіктің экономикалық кедергілерінің артқанын көрсетеді.