Мақалада жастардың еңбек стратегияларын таңдауды анықтайтын басты факторы ретінде еңбек нарығының әлеуметтік және экономикалық жағдайына талдау жасалынады. Қазіргі жастар еңбек стратегияларын қалыптастыруда және кәсіби карьераларын құруда еңбек нарығының құрылымын ескеру қажет. Еңбек нарығының құрылымы әдетте нақты бір мамандықтардың қажеттілігіне, урбанизация деңгейіне, аймақтардың экономикалық даму ерекшеліктеріне, сонымен бірге жалпы ел экономикасының дамуына байланысты. Сол себепті еліміздің еңбек нарығының құрылымын әлеуметтік-экономикалық тұрғыдан жан-жақты қарастыру аса маңызды.

Аймақтық еңбек нарығын жүйелі зерттеу аймақтардың ең алдымен, өндірістік күштерді үйлестіру бойынша тиімді шешімдер қабылдауға, инвестициялық рейтингілерін құруға, баяу дамитын аймақтарда жаңа жұмыс орындарын ашу, жергілікті инфрақұрылымды дамытуға және т.б. мүмкіндік береді.