Қазақстан мен Еуропадағы әлеуметтік-саяси процестерге азаматтардың ұйымдасқан наразылық әрекеттері әсер етуде. Қазіргі таңдағы наразылық жаңа формаларға ие болуда, қатысушыларды жұмылдыру үшін ашылатын техникалық мүмкіндіктер пайдаланылуда. Мұндай жағдайларда наразылық әлеуетін бағалау, «тұрақсыздық нүктелерін» анықтау және саяси элитаның шешімдеріне ықтимал халықтың теріс реакциясын түсіну қазіргі саяси басқарудың маңызды міндеттеріне айналады. Мақалада шетелдік әлеуметтанудағы наразылық мінез-құлқын зерттеудің негізгі теориялық тәсілдері қарастырылған. Оның ішінде әлеуметтік наразылық мәселесімен айналысатын батыс ғалымдарының ішіндегі ең көп тарағаны-ұжымдық мінез-құлық тұжырымдамасына аса көңіл бөлінді. Сонымен қатар батыс елдерінде наразылықты зеттеудің негізгі кезеңдері көрсетілді. Отандық ғылымдағы әлеуметтік наразылықты зерттеудің ерекшеліктері анықталды. Қазақстан халқының наразылық әлеуетінің басты себебі анықталды.