2013 жылдың 7 қыркүйегінде Назарбаев Университетінде (Астана, Қазақстан) Қытай Халық Республикасының Төрағасы Си Цзиньпин «Жібек жолының экономикалық белдеуі» бастамасын құру туралы хабарлап, оны 2015 жылдың наурызында «ХХІ ғасырдағы теңіз Жібек жолы» жобасымен біртұтас «Бір белдеу және бір жол» (кейінірек «Белдеу және жол» бастамасы немесе БЖБ болып аталды) бастамаға біріктіріп ауқымды дүниежүзілік жобаға айналды. Бұл бастама бастапқыда әлсіз экономикалық жағдайды қалпына келтіру аясында басталып, бірақ қазіогі таңда да Ковид-19 пандемиясының нәтижесінен зардап шеккен әлем елдерінің экономикаларының қиын жағдайына байланысты БЖБ өзектілігін арттыруда. 2020 жылдың бірінші тоқсанында шекаралардың жабылуына байланысты Қазақстан мен Қытай арасындағы сауда қатынастары айтарлықтай төмендеді және ең пессимистік сценарийлер болжалды, дегенмен, осы жылдың 8 айындағы мәліметтер 2019 жылдың ұқсас көрсеткіштерінен асып түсті, бұл оптимизмге рухтандырады және БЖБ шеңберінде жобаларды дамытудың арқасында Қазақстан экономикасының ерте қалпына келуіне үміт береді. Сонымен қатар, пандемия екі ел арасындағы ынтымақтастықтың басым бағыттарының цифрлық технологиялар мен денсаулық сақтау салаларына өзгеруіне әсер етеді.
Бұл мақала Қазақстан Республикасы Білім және ғылым министрлігінің гранттық қаржыландыруының IRN AP08956330 «Орталық Азия және пандемиядан кейінгі белдеу және жол бастамасы: мүмкіндіктер мен тәуекелдер» жобасы аясында дайындалған.