ХХ ғасырдың басында жазушы, қазақ тіліндегі драма мен романның іргесін қалаушы, ағартушы, педагог және психолог Ж.Аймауытов: “Сабақ беру – үйреншікті жай ғана шеберлік емес, ол – жаңадан жаңаны табатын өнер” деген екен.

Қазіргі қоғамға заманауи талапқа сай ойлаудың белгілі бір қасиеттері бар еркін, шығармашылық тұлға қажет. Сондықтан жоғары оқу орындарының басты міндеті - студенттердің әлеуметтік сыни ойлау дағдыларын және өзбетінше білім алу, бәсекеге қабілеттілігін дамыту. Ойлау еркіндігі шығармашылық және сындарлы әрекетке бағытталған бағдарлауды білдіреді, сондықтан сыни ойлау еркін адамның ойлауының сапалық сипаты болып табылады.