Әлеуметтік дау-жанжал (лат. сonflictus – жанжал, қақтығыс) - бұл адамдар, әлеуметтік топтар, тұтастай қоғам арасындағы қатынастардағы қарама-қайшылықтардың өзара әрекеттесу субъектілерінің қарсы бағытталған мүдделері, мақсаттары мен ұстанымдарының қақтығысымен сипатталатын жоғары сатысы. Әлеуметтік дау-жанжал дегеніміз – қарама-қайшы мақсаттардың, ұстанымдардың, өзара әрекеттесу субъектілерінің қақтығысы. Сонымен қатар, дау-жанжал қоғамдағы адамдардың өзара әрекеттесуінің маңызды аспектісі, әлеуметтік болмыстың өзіндік бір көрінісі. Бұл мотивациясы қарама-қайшы құндылықтар мен нормаларға, мүдделер мен қажеттіліктерге байланысты туындайтын әлеуметтік іс-әрекеттің әлеуетті немесе нақты субъектілері арасындағы қатынастардың нысаны.