Мақалада ҚазҰҚПУ түлектерінің әлеуметтік келбеті, жұмысқа, өз елінің өткеніне және бүгініне деген көзқарасы, құндылық бағдарлары талданады. Бұл өз кезегінде түлектердің тұрғылықты жері, туған жері, ұлты, қызмет түрі туралы ақпараттар, жасап жатқан кәсіптерінің түрлері, сонымен қатар мансаптық дамуына талдау қажеттілігін туғызды. Зерттеу ауқымы Қазақстанның 14 өңірінен 401 респондентті қамтыды. Сауалнамалар сандық-статистикалық, кездейсоқ іріктеу әдісі арқылы түлектер арасында таратылды. Түлектердің әлеуметтік келбеті  SPSS бағдарламасын қолдана отырып жүргізілді. Зерттеу барысында сипаттамалық талдау жасалынды. Зерттеу нәтижелері  университет түлектеріне, олардың қазіргі тұрғылықты жерлеріне демографиялық сипаттама бере отырып,мансаптық процесінің іс жүзінде қалай жүзеге асырылатындығын анықтауға және түлектердің қазіргі уақытта жүзеге асыратын мансаптық стратегияларын бөлуге мүмкіндік берді.