Бүгінгі таңда халықаралық қатынастар тек мемлекеттер арасындағы әрекеттесуді қамтып қана қоймай, ғаламдық, трансұлттық сипатқа ие болуда. Қазіргі заманғы қауіп-қатерлер мен еларалық мәселелер әлемдік қауымдастықтың анағұрлым көп мүшесінің қатысуын талап етуде. Осы орайда мемлекеттердің халықаралық ұйымдар шеңберінде әрекеттесуі үлкен маңызға ие болды.  Көптеген мәселелерді екіжақты форматта шешу мүмкіндігі болмағандықтан көпжақты ынтымақтасу қатысушылар-дан халықаралық-құқықтық реттеудің жоғары деңгейін қажет етеді. Сол үшін де мемлекеттер арасындағы байланыстардың маңызды тармағы ретінде олардың халықаралық ұйымдар шеңберіндегі ынтымақтас-тығы қарастырылуда. Қазақстан да бұл үдерістен сырт қалып қоймай, бірқатар халықаралық ұйымдар құрудың бастамашысы болғаны да белгілі.  Шығыстағы көршісі Қытаймен де халықаралық ұйымдар аясында байланыстарды дамытуда. Атап айтсақ, Біріккен Ұлттар Ұйымы, Шанхай Ынтымақтастық Ұйымы, еліміздің тікелей бастамасымен құрылған Азиядағы өзара іс-қимыл және сенім шаралары кеңесі шеңберіндегі ынтымақтастық қарқынды дамып келеді. Қазақстан мен Қытай үшін халықаралық ұйымдар аясындағы ынтымақтастықтың басты мақсаты аймақ қауіпсізідігі мен тұрақтылығын сақтау болып табылады. Аймақтағы бейбітшілікті сақтаумен қатар сауда, экономика, көлік қатынасы секілді ынтымақ-тастықтың басқа салалары да көпжақты форматта дамып келеді, өзара байланыстарды дамытуда екі ғана емес көп мемлекеттің саяси-экономикалық әлеуетін пайдалану өте тиімді болып саналады.  Мақалада Қазақстан мен Қытайдың халықаралық ұйымдар шеңберіндегі ынтымақтастығының мәселелері мен даму болашағы қарастырылған.