Мақалада көне түркілік эпостық шығарма «Алып Бамсы» туралы айтылады. Түркология ғылымында хатталмай ауызша тараған көнедегі тарихи оқиғалардың көбі эпостық негізге арқау бола алды. «Алпамыс батыр» жырының түп-төркіні де сол «Алып Бамсы» болуы мүмкін деп пайымдап отырмыз. Мемлекетіміздің халық ретінде тарих сахнасынан көріне бастаған кезінен бастап біз көптеген тағдыр сындарына төтеп бере алғандығымыз баяндалады. Өткен күннің бүгінгімен тарихи сабақтастығы да осы жерден бастау алатындай көрінеді. Көне жұртымыздың ескіленген әдет-ғұрпы мен салт-дәстүрлері де көне эпостан көрініс табады. Осы эпостағы өмір шындықтарын талдау арқылы жоғалу алдында тұрған не жоғалған төл мәдениетімізбен қайта қауышатын ғаламат сәт туатынын болжайды. Мақала авторы түрколог есебінде өзекті мәселеге керемет өз бағасын бере алған.