Дін феноменологиясы бұл ұғымдарды түрлі бағытта әлеуметтік, әлеуметік мәдени контекс тұрғысынан қарастырады. «Кие» ұғымы жаратушы тарапынан тіршілік иесіне берілген Құдайылық, құдыреттілік деген мағынаға саяды. Бұл ұғымдар көбінесе табиғатпен байланысты (жан-жануарлар, өсімдіктер, су, бұлақ, қайнар көздері т.б.) болады. Ал «қасиеттілік» ұғымы дәстүрлі және постдәстүрлі қазақ мәдениеті мен дүниетанымында әулие, әулиелік ұғымдарымен сабақтас жаратушы тарапынан адам баласына берілген ерекше құндылықтар деп қабылдауға болады.

Мақалада қазақ дүниетанымындағы «киелі», «қасиетті» ұғымдарының  рөлі мен маңыздылығына анықтама беріле келе, оның ұлттық құндылық ретінде атқарар қызметі мен діни наным-сенімдермен, салт-дәстүрмен сабақтастығы, діни сипаты талданады. Бұл ұғымдардың бүгінгі күнге дейінгі жетуі атадан балаға мирас болып қалған дәстүрлі дінде, ауыз әдебиеттт, салт-дәстүрде, ырым-жоралғыларда өзінің рөлін атқарып келген.