Мақалада әлемде орын алып отырған көші-қон үрдісі, жоғары білім берудегі миграция жан-жақты қарастырылады. Қазіргі әлемде халықаралық білім беру көші-қоны қарқынды дамуда. Білім беру көші-қоны көбінесе елдің экономикалық даму серпіні мен сипатын айқындайды. Осы тұрғыда Қазақстан үшін үлкейіп келе жатқан проблема білім беру қызметтерінің халықаралық нарығындағы қатаң бәсекелестік жағдайында білім беру көші-қонын реттеу болып табылады. Осыған байланысты әлемдік білім кеңістігінде «білім миграциясы» термині пайда болып, аталған үрдіс әлемнің барлық елдеріне қатысты өзектілікке ие болуда. Кәсіби білім беру мен әлемдік жаһандану жағдайында көпмәдениетті әрі әмбебап тұлғаны қалыптастырудың маңызы артты. Студенттердің басқа елдердің мәдениетін құндылық ретінде қабылдауы, кәсіби салада шет тілін пайдалану дағдылары шетелдік серіктестермен ұзақ мерзімді байланыстарды орнатуда қазіргі жұмыс берушілермен жоғары бағаланады. Тіпті, шет тілін білудің  көпмәдениетті қоғамда әлеуметтену мен бейімделудің өзіндік құралы екендігін де ерекше атап өтуге болады. Аталған қоғамдық өзгерістер халықаралық білім миграциясын тудырып, қоғамдық зерттеуді қажет ететін тақырыпқа айналуда.