Бұл мақалада діни терроризм мен экстремизм мәселелерінің Орталық Азия аумағында қаншалықты таралғанын, әсіресе Қазақстан Республикасындағы мәселенің өзектілігі талданады. Себебі, бұл мәселе қазіргі таңдағы өзектілігі айқындалып, жан-жақты зерттеліп, шешімін табу үшін әртүрлі шаралар жасалып жатқан бірден бір мәселе болып табылады. Сонымен қатар, Қазақстандағы діни мәселенің туындау себептері, оның салдарлары мен күресу жолдары барынша көрсетіледі. Зерттеу жұмысында Орталық Азия аумағындағы басқа да мемлекеттерде мәселенің қандай деңгейде өршіп тұрғаны қарастырылады және де Қазақстан Республикасымен салыстырмалы түрде талданады. Жалпы алғанда дін мәселесі қай жағынан алсақ та әртүрлілігімен, күрделілігімен ерекшеленеді.