Екінші Дүниежүзілік соғыс аяқталғаннан кейінгі Кеңестер Одағымен қатар Қазақстандағы саяси-құқықтық жүйенің жаңарып, соғыс кезеңінде құрылған төтенше басқару органдары таратылады, сондай-ақ бір адамның жоғары мемлекеттік лауазымдарды қоса атқаруы жойылады.

«Кейінгі сталинизм» тұсында заң шығарушы және өкілді билік органдарының бүкіл жүйесі әртүрлі деңгейдегі кеңестерге бүкілхалықтық конституциялық сайлау негізінде қайта құрылды. Одақтық және республикалық органдардың өкілеттіктерін қайта бөлу процесі басталып, республикалардың құқықтары кеңейтілді. Республикалық Конституциялар, заңнамалық актілер одақтық-құқықтық негізде біріздендірілді.

Мақалада Қазақстанда «кейінгі сталинизм» кезеңінде салалық орталық басқару органдарының қайта құрыла бастағанын сөз етеді. Сонымен бірге. Үкімет мүшелері басқаратын министрліктер негізгі буындар болып табылатынын, олар атқарушы және әкімшілік функцияларды жүзеге асыра отырып, басқарудың салалық принципі негізінде қызмет жасағаны айтылады.

Сонымен қатар, мақалада биліктің қызмет ету механизмі бір меншік нысанының мемлекеттің, бір идеологияның марксизм-ленинизмнің, бір коммунистік партияның билігінің, бір басшының басшылығының бөлінбеген үстемдігі жағдайында жүзеге асырылғаны айтылады.