Қазіргі қоғамында орын алған саяси-әлеуметтік өзгерістерге байланысты жалпыадамзаттық және ұлттық құндылықтардың идеялық-теориялық негіздері мен даму үдерістерін ғылыми, саяси тұрғыдан зерттеу тарихи қажеттілік, уақыт талабы болып табылады. Аталған мәселені саяси талдау демократиялық қоғамды құру үшін өте маңызды құрамдардың бірі. Әлемдегі көптеген халықтар мен ұлттар демократиялық қоғам құру барысында өздерінің ұлттық тәуелсіздіктеріне қол жеткізгені белгілі. Қазақстан да сол тәуелсіздігінің тұғырын бекітуге бекем кірісуде. Міне, осы тұрғыдан алғанда, қазіргі кезде қоғамдағы ұлттық құндылықтардың орны мен рөлін дұрыс анықтаудың, сонымен қатар, бүкіл қоғам өмірінде оларды қолданудың қолайлы нұсқаларын дайындаудың үлкен ғылыми-тәжірибелік мәні бар.