2007 жылдан бастап Кореяда Орта Азиядан келген еңбек мигранттарының, оның ішінде заңсыз иммигранттардың саны күрт өсті. Қазақстанды қоспағанда, Өзбекстан мен Қырғызстан азаматтарына Кореяда заңды түрде жұмыс істеуге мүмкіндік беретін EPS (Employment Permit System) бағдарламасы ұсынылды. Корей үкіметі тарапынан ұсынылған ресми еңбек етуге мүмкіндік беретін бағдарламаның барына қарамастан заңсыз иммигранттар саны өсуде. Заңсыз мигранттар арасында тұрақсыз жалақы мен шамадан тыс ауыр, әрі қауіпті еңбекпен айналысуға тәуекел жасауы, медициналық сақтандырудың болмауынан амбулаториялық көмекке жүгінбеуі, еңбек мигранттары құқықтарының бұзылуы сияқты  бірқатар себептер бар. Бұл Корея Республикасында заңсыз еңбек етушілер  мәселесін әлеуметтік деңгейге дейін көтеріп отыр. Зерттеу нәтижелері осы мәселелерді шешу үшін мүдделі елдер арасында келісімге немесе институционалдық шараларға жүгіну керек екенін көрсетеді. Әлеуметтік маңызы бар мәселені біз аталмыш мақаламызда қарастырдық. Ғылыми жұмысты жазу барысында әлеуметтік желілердегі  жаңалықтар негізге алынып, Кореядағы заңсыз жұмыс істейтін Орта Азиялық еңбек мигранттарының сұхбаттары талданды.