Мақалада әлеуметтік әрекет жағдайындағы қоғамдық үрейдің пайда болуының мәселелері қарастырылады. Әлеуметтік әрекет күнделікті өмірдің бір құбылысы, сондықтан адамның әдеттегі жағдайында кенеттен пайда болатын үрейлердің және оның қоғамдық қатынастардағы көріністерін зерттеу бүгінгі күні әлеуметтану ғылымында маңызды орын алады. Осыны түсіндіруде Т. Парсонс, Ю. Хабермас, Г. Гарфинкельдің еңбектерін пайдалану арқылы талпыныстар жасалды. Қоғамдық үрейдің әртүрлі көріністері мен формалары қоғамның әлеуметтік әрекеттеріне әсер етеді. Сонымен қатар, қоғамдық үрей қоғамның саяси-әлеуметтік және рухани салаларында болып жатқан процестерге адамдардың пікірлерінің алуандығын көрсетеді. Үрей санатын әлеуметтік әрекетпен байланыстыру арқылы қоғамдық сананың динамикасын бағалауға болады,  эмоциялық күйлер мен мінез-құлықтың дамуының ең сенімді болжамын жүзеге асыруға мүмкіндік береді.