Мемлекеттік басқарудағы қазіргі тенденция ашықтық пен есеп беру тетіктері арқылы сыбайлас жемқорлықпен күресу болып табылады. Қазақстанда осындай тетіктердің бірі – қоғамдық кеңестер. Мақаланың мақсаты – сыбайлас жемқорлыққа қарсы күресте Қазақстанның қоғамдық кеңестері қызметінің тиімділігін зерттеу. Бұл мақсатқа жету үшін деректерді жинау мен талдаудың сапалы әдістері қолданылды. Қазақстан Республикасының қоғамдық кеңестер туралы заңнамасына әлеуметтік жауапкершіліктің сыбайлас жемқорлыққа қарсы бес тетігінің: бірлескен бюджеттеу, қоғамдық мониторинг, ақпаратқа қолжетімділік, ұйымдасқан азаматтық қоғам мен қатысу және бұқаралық ақпарат құралдарының сақталуына талдау жүргізілді. Қазақстанның орталық мемлекеттік органдарының қоғамдық кеңестерінің мүшелерімен (қатысушылар саны – 12) фокус-топтың нәтижелері зерделенді. Зерттеу нәтижелері Қазақстандағы қоғамдық кеңестердің сыбайлас жемқорлыққа қарсы рөлі шектеулі екенін көрсетті. Атап айтқанда, олардың бюджетті қалыптастыруға және заңнаманы әзірлеуге қатысуы аз. Қоғамдық кеңестердің мемлекеттік органдардың шешімдер қабылдауына ықпалы төмен деп сипатталады. Сонымен қатар, қоғамдық кеңес мүшелері мемлекеттік органдар тарапынан қысымға ұшырайды. Заңнамалық өзгерістер кеңестерге міндетті өкілеттіктер беру, сондай-ақ кеңес мүшелерін қысымнан қорғау шаралары қажет. Азаматтардың хабардарлығын арттыру және олардың шешім қабылдауға белсенді қатысуын қамтамасыз ету сыбайлас жемқорлыққа қарсы күрес пен мемлекетті басқарудағы азаматтық қоғамның рөлін арттыру үшін де маңызды.