Мақалада британық білімнің өзара байланысқан екі кеңістігінде – парламенттік және академиялық ортадағы «исламофобия» ұғымының қалыптасуы мен шиеленісуі талданады. 1997–2024 жж. аралығындағы Лордтар палатасы мен Қауымдар палатасының стенограммаларына, сондай-ақ К. Аллен, Т. Модуд, Н. Мир, Л. Мусави, А. Вакил, К. Малик және тағы басқа жетекші британдық зерттеушілердің еңбектеріне сүйене отырып, авторлар нормативтік тұрғыдан қабылданған анықтаманың жоқтығы терминнің тұжырымдамалық анық еместігін сақтап, құқық қолдану тәжірибесін күрделендіретінін айқындайды. Үкімет  Жалпыпартиялық парламенттік топтың (APPG, 2018) нұсқасын 2010 жылғы Теңдік туралы заңға қайшы және сөз бостандығын шектеуы ықтимал деп, «мұсылмандарға қарсы өшпенділік» (anti-Muslim hatred) терминін қолдайды. Ал ғылыми қауымдастық кемсітушіліктің құрылымдық сипатын мойындай отырып, терминнің діни және нәсілдік белгілерді араластырғаны үшін сынға алады. Мақала парламенттік және академиялық дискурстардың мұсылмандарға қатысты қарсылықтың институционалдық табиғатын бағалауда тоғысатынын, алайда терминологиялық тұрғыда елеулі айырмашылықтарға жол беретінін көрсетеді. Зерттеудің негізгі жаңалығы парламенттік дебаттар мен академиялық тұжырымдамаларды салыстыра талдап, саяси прагматика мен ғылыми рефлексия арасындағы алшақтықты айқын ашып көрсетуінде.