Мақала жастарды жеке әлеуметтік топ ретінде қарастыруға бағытталған. Жастарды жеке әлеуметтік топ ретінде қарастыру «жастар» ұғымын анықтаудан, сондай-ақ осы категорияның негізгі сапалары мен сипаттамалары көрініс табатын жас мөлшерінің шегін айқындаудан басталады. Жастардың жас мөлшерінің шегі олардың білім алуымен, кәсіби іс-әрекеттерімен байланысты.  Бұдан жастардың жас мөлшері шегінің қозғалмалылығы туындайды. Мақала шеңберінде жүргізілген салыстырмалы талдау әртүрлі елдерде қабылданған жастардың жас мөлшері шегінде айырмашылық барын көрсетеді. Дегенмен, оның негізінде білім алу, дағдылар қалыптастыру, қабілеттерді, зияткерлікті дамыту үдерістері тұр. Сондықтан жастар қоғамның әлеуметтік құрылымының қалыптасу және даму үстіндегі ең белсенді, бастамашыл бөлігі.