Мақалада қазақтың біртуар ұлы ойшылы Абай Құнанбаевтың шығармашылығындағы философиялық ойлар қарастырылады. Абай философиясының тереңдігі, һәм сыршылдығы жаңаша көзқарасты қажет етеді. Біз мақалада ұлы ақын еңбегіндегі өткен дәуір мен жаңа дәуірді арасындағы үйлесімділікті салыстыра отырып зерттеуге үлкен мән береміз. Мақала авторлары Абайдың философиялық ойларының қазақстандық жастардың патриотизмге тәрбиелеуде атқаратын қызметін барынша зерттеп, оны жан-жақты ашуға тырысқан. Мақалада ақынның кейбір шығармаларынан мысалдар келтіріліп, олардың мәнін ашу үшін әдеби тұрғыдан түсіндірмелер берілген. Сонымен қатар ақынның жаңашылдығы мен еуропашылдығы да баяндалады. Оның қазіргі қазақ поэзиясын бір қалыпқа түсіріп, түрлілік жағынан реттеп беруі де азаматтығы мен ар-ожданының жоғары екендігінің бір көрінісі. Жастарды еңбек пен ғылымға баулу үшін барынша Абайдың ел арасында насихатталуы тиіс екендігі жазылған. Автордың негізгі айтқысы келген ойы да мемлекетіміздің қайта рухани жаңғыруы үшін төл әдебиетіміздің шоқтығы биік тұлғаларамызды қайта қарау идеясымен тұспа-тұс келеді.