Қытай Халық Республикасының құрамындағы Шыңжаң өлкесі, сонау ерте заманнан бастап, күні бүгінге дейін Орталық Азиядағы геосаяси жағдайында халықаралық қатынастардағы орны өте күрделі аймақ болып табылады. Мақалада Шыңжай-Ұйғыр автономиялы ауданының Қытай ішкі саясатындағы геосаяси орны сарапталып Қытайдың «батыс бөліктерді игеру» саясаты Қазақстандық көзқараспен талқыланған. Бір миллиард төрт жүз миллионнан жуық халқы бар Қытайдың қарқынды экономикалық дамуы әлемдік күштер балансына түбегейлі өзгерістер енгізуде. Бұл алпауыт мемлекетпен достық әрі терезесі тең қатынастарды дамыту - Қазақстан үшін баламасы жоқ бірден-бір қажеттілік. Ал оның Қазақстанмен шекаралас жатқан ШҰАА-ның геосаяси маңызы екі мемлекет үшін де жоғары.