Бұл мақала жалғыз басты әкелер туралы әлеуметтік-психологиялық мәселені зерттеуге бағытталған. Толық емес әкелік отбасылардың пайда болу,қалыптасу факторлары (жесірлік, ажырасу, әйелдің асоциалды мінез-құлқы) мысалдармен келтірілген. Жалғыз әкелікке әкеп соқтыратын факторлар әке болмысының психологиялық, әлеуметтік жағдайына теріс әсер ететіні атап көрсетіледі.

Аталмыш құбылыс әлеуметтік-психологиялық тұрғыдан да, заң тұрғысынан да қарастырылады. Қазақстандағы жалғыз басты әкелердің негізгі құқықтарын, артықшылықтары мен кепілдіктерін жүзеге асыру туралы мәселелер де назардан тыс қалмайды. Бала тәрбиесіндегі әкенің рөлі, оның әлеуметтену процесіне әсері туралы пікірлер жан-жақты қарастырылады.