Мақалада мәдениет пен саясаттың байланысы, өзара қарым-қатынасы қарастырылады. Өзінің қалыптасу, сондай-ақ жүзеге асу барысында саясат әрдайым мәдениет үлгілерінің ықпалында болады. Осы тұрғыда олар, бір жағынан, адамдарды біріктіретін, ықпалдастыратын ортақ әлеуметтік-мәдени негіздерді айқындайтын болса, екінші жағынан, керісінше адамдардың ара жігін ажырататын дүниетанымдық бағдарларын, саяси тәртібін, өмірлік ұстанымдарын, тұлғалық қалауларын білдіреді. Саясатта ұлттық мәдениет пен ұлттық мінез-құлықтың өзіндік ерекшеліктерінен туындайтын айырмашылықтар өте маңызды болып табылады. Әсіресе этномәдени айырмашылықтардың ел ішінде реформалардың жүзеге асырылуына ықпал ету мүмкіндігін және қалай ықпал етуін, деструктивті үдерістердің, экстремизмнің, сепаратизмнің себебі бола алуын анықтау өте маңызды.