Мақалада Түркия Республикасындағы билік транзиті және саяси құндылықтардың трансформациялау мәселелері қаралды. Түрік Репсубликасының негізін қалаушы Мұстафа Кемал Ататүрік зайырлылық, секулярлылық, азаматтық қоғам, либерализация және жаңғырту сияқты құбылыстарға басты мән берді. Алайда, Түркиядағы саяси процестердің қазіргі дамуы басқару формасын өзгерту тұрғысынан ғана емес, сонымен бірге мемлекеттік биліктің құндылық бағдарын өзгерту тұрғысынан да алаңдаушылық тудырады. Мұндай радикалды салдарға әкелген себептер де көп, дегенмен олардың ішіндегі негізгісі сәтті басталған реформалардың аяқсыз қалуы. Түркияның қазіргі кезеңдегі тәжірибесі біз үшін үлкен қызығушылық тудыратын транзиттік ел болып табылады. Саяси билік транзитінің заңдылықтары бүкіл еуразиялық кеңістік үшін өзекті болып табылады.