Бұл мақалада ұрпақтар теориясы мен ұрпақаралық қатынастар қарастырылып талданады. Ұрпақаралық қарым-қатынастар қоғамда болып жатқан қарқынды өзгерістерге байланысты, әсіресе социологиялық ғылымда пәнаралық зерттеудің объектісі болып табылады. Әр түрлі ұрпақтар өкілдерін зерттеу социумдағы прогресс үрдісін зерттеу үшін қажет. Ұрпақтар өзара байланысты. Әрбір алдыңғы ұрпақ қазіргі ұрпақты қалыптастырады, ал қазіргі ұрпақ болашақ ұрпақты қалыптастырады. Ұрпақтар талдауы қоғамдық ортадағы тарихи даму үдерістерін зерделеуде жаңа теориялық аспектілерді еңгізеді. Осы тақырыпты зерттеуге ерекше назар аудару қажет.

Отбасы - қоғамның басты әлеуметтік институты, барлық өзгерістер отбасыға үлкен әсерін тигізеді. Соңғы уақытта отбасылық дәстүрлерді, мұраны, тәжірибені зерттеуге көп көңіл бөлінетіні байқалады.