Мақалада халықаралық саяси және экономикалық санкциялардың қазіргі аспектілері қарастырылады, әлемдік саясаттың қазіргі жағдайын ескере отырып, халықаралық санкциялар ұғымына авторлық анықтама беріледі, халықаралық санкцияларды талдау механизмі сипатталады. Ғылымда халықаралық санкциялар көбінесе егеменді мемлекетке, оның институттарына, ұлттық компанияларға немесе жеке азаматтарға бағытталған, олардың қызметін мәжбүрлеу, шектеу, тежеу немесе алдын-алу мақсатында біржақты немесе ұжымдық саяси, экономикалық немесе құқықтық шаралар кешенін білдіреді. Басқаша айтқанда, Санкциялар әскери емес және күшсіз мәжбүрлеу шараларын қамтиды.