Мақала «қарт адамдардың» қазіргі заман жағдайына бейімделу мәселесіне, олардың қарттар үйіндегі тұрмысқа бейімделуіне арналған ғылыми еңбектерді талдауға, сондай-ақ бейімделу уақыты мен бейімделуден кейінгі кезеңді қамтитын бірнеше деңгейден тұратын табысты бейімделу критерийлерін қарастыруға арналған. Шетелдік, кеңестік және отандық ғылыми еңбектерде қарт адамдардың қарттар үйіндегі хал-жағдайын, бейімделудегі қиыншылықтарын, оған әсер етуші факторларды зерделеудегі түйін мәселесі ретінде қарттардың қазіргі заман жағдайына бейімделу мәселесін шешуден бастау алады. Себебі, посткеңестік кеңістікте өмір сүріп жатқан бұрынғы одақ мемлекеттерінде орын алған күрделі саяси, экономикалық бетбұрыс қарастырылып отырған мәселенің қайнар көзі болып табылады. Сондықтан, қарт адамдардың өзгермелі қоғамдағы жаңа жағдайға адаптациялануын зерделеу алдағы 30-жылда ең өзекті тақырыптар мәселелер қатарында.