Бүгінгі таңда түрлі АКТ-ның пайда болуы және олардың білім беру процесінде кеңінен қолданылуы байқалады. Көптеген оқу бағдарламалары, ақпаратты ұсыну мен қабылдаудың әртүрлі тәсілдері қазіргі  оқытудың қажетті элементі болып табылады. Сонымен қатар, оларды сабақта қолдану мемлекеттік білім беру стандартында белгіленген міндетті талап.
Оқу үрдісінде АКТ-ны қолдану тиімді технологияның  бірі. Компьютерлік оқыту бағдарламалары сөйлеу әрекетінің түрлерін үйретуге және оларды әртүрлі комбинацияларда біріктіруге мүмкіндік береді. АКТ-ны пайдалану әлеуметтік-лингвистикалық қабілеттердің қалыптасуына, әлеуметтік-тілдік құбылыс-тарды тануға, сөйлеу әрекеттерін автоматтандыруға, коммуникативті жағдайларды жасауға, сонымен қатар студенттердің өзіндік жұмысының жеке тәсілін және қарқындылығын жүзеге асыруға ықпал етеді.