Ұсынылып отырған мақалада автор бұқаралық ақпарат құралдары мен әлеуметтік желілердің жастардың құқықтық мәдениетіне ықпал ету формаларының мазмұны мен бағыттары сипатталады. БАҚ пен әлеуметтік желілер қазіргі заманның ақпарат тасымалдаушы болып табылатындықтан, олардың құқықтық білім, құқықтық тәрбие, құқықтық насихат таратудағы ролін анықтауда ғылыми еңбектер мен өзіндік сараптамалық көзқарастар ұсынылды.
       Жастардың арасында құқықтық ағартуды жүргізу құралы ретінде БАҚ белсенді әрекет етеді. Жастарға заңға қайшы әрекет туралы хабардар ететін және одан сақтанудың басты факторы ретінде құқықтық мәдениет деңгейін арттыру жолында үгіт-насихат жүргізетін хабарларды тарататын БАҚ пен ғаламтор желілері заңсыздықпен күрестің маңызды құралы. БАҚ арқылы жастар арасында құқықтық ағарту жұмыстарын жүргізу құқықтық мемлекет пен азаматтық қоғам құрудың басты талабы.