Бұл мақалада тиімділігі жоғары мемлекеттік қызметті құрудың рөлі мен маңызы елдің әлеуметтік-экономикалық дамуының қажетті шарты және оның өркендеуінің кепілі ретінде қарастырылады.  Қазіргі жағдайда тиімді мемлекеттік кадр саясаты мемлекеттің барлық салалардағы трансформациялық қызметінің қуатты құралы болуға тиіс. Қазіргі заманғы, кәсіби және дербес мемлекеттік аппаратты қалыптастыру және оны үнемі жетілдіру Қазақстанның одан әрі тұрақты және үдемелі дамуының шешуші факторларының бірі болып табылады және экономикалық реформалау, қоғамдық демократияландыру, елдің халықаралық нарықтағы ұстанымы мемлекеттік басқару жүйесімен және онда жұмыс істейтін қызметкерлердің құзыреттілігімен байланысты. Осыған байланысты мемлекеттің трансформациясы мен мемлекеттік басқару жүйесінің қалыптасу процестерімен байланысты Мемлекеттік қызмет жүйесін реформалау кезеңдері талданды.