Бұл мақалада нарық қоғамы жағдайында Қазақстандағы жоғары сынып оқушыларының кәсіби бейімділіктерінің өзгеруінің ерекшеліктері қарастырылады.

Жас мамандарды даярлау саласында орын алып отырған мәселелер негізінен нарықтық қоғамның  талаптарын елемеумен, кәсіптік бағдар беру жұмыстарының толық жүргізілмеуімен байланысты. Қазақстанда болып жатқан іргелі әлеуметтік-экономикалық, саяси өзгерістер қазіргі білім беру идеологиясының өзгеруіне әкеліп отыр. Қазіргі білім беру процесінде тұлғаның мәнін, оның қажеттіліктерін, қызығушылықтарын, белсенділік мотивтерін білу маңызды рөл атқарады. Қазіргі уақытта жалпы білім беретін мектептің жоғары сыныптарында мектеп оқушыларының кәсіптік бейімділігін қалыптастыру, білім беруді бейінділеу жұмыстары жүргізілуде. Жоғары сынып оқушыларының болашақ мамандығын саналы түрде таңдауына басты назар аударылады. Жоғары сынып оқушысының кәсіби бағдары оның жеке ерекшеліктерін, қабілеттерін анықтауға бағытталған және қоғам мен жеке тұлға үшін пайдалы бірқатар қызметтерді орындайды.