Мақалада әлеуметтік-тілдік ұстанымдарды зерттеуге бағытталған әлеуметтану және әлеуметтік психология ғылымдарының классикалық теорияларға шолу жасалған. Әлеуметтік ұстаным түсінігінің қалыптасуы, даму тарихы мен қалыптасу эволюциясы туралы айтылады. Әлеуметтік ұстанымдарының қалыптасу процесі У.Томас пен Ф.Знанецкий, олардың әдіснамалық өлшеу әдістері Г.Олпорт, Р.Лапьер, Л.Терстоун, В.А.Ядов, И.Ф.Девятко, қалыптасу мәселесі М.Вебер, Э.Дюркгейм, Ю.Хабермас, Э.Гидденс, М.Рокич, П.Бурдье және басқа ғалымдардың әлеуметтік парадигма негізінде қарастырылады. Жұмыстың мақсаты – әлеуметтік ұстанымдардың қоғамдағы әлеуметтік-тілдік процестерді зерттеудегі әлеуметтанулық алғышарттарды қалыптастыру, ұстанымдарды анықтау арқылы қоғамдағы әлеуметтік құбылыстарды талдау.