Мақалада Оңтүстік Кореядағы өмірдің әлеуметтік аспектілері ғылыми әдебиеттерде әлі жеткілікті зерттелмеген ғаламтор ықпалындағы және цифрлық технологиялардың дамуы жағдайында қарастырылады. Мақалада нақты материалдар негізінде мәселенің Оңтүстік Кореяның әлеуметтік саласындағы цифрлық трансформация және әлеуметтік желілердің қоғам қызметінің өмір салтына әсері; әлеуметтік желілердің теріс салдары, өмірді цифрландыру және киберқауіпсіздік саласындағы мемлекеттік саясат сияқты әлеуметтанулық аспектілері қарастырылады.

Оңтүстік Кореяның тәжірибесін әлеуметтанулық зерттеу олардың технологиялық дамуына ықпал ететін негізгі факторларды анықтайды. Бүгінгі таңда Оңтүстік Корея Интернет және цифрлық технологиялар саласындағы дамыған елдердің бірі болып саналады.

Әлеуметтік желілер мен цифрландырудың Оңтүстік Корея қоғамына әсері коммуникацияның жақсаруынан, экономикалық өсуден, білім мен ақпаратқа қол жетімділіктен, мәдениеттің таралуынан және азаматтық қатысудың жандануынан көрінеді. Әлеуметтанулық зерттеу интернет кеңістігінде пайдаланушылар көбейген сәттен бастап желідегі алаяқтар, фишинг және хакерлік шабуылдар саны да артқанын көрсетеді.

Цифрлық кеңістіктегі қылмыскерлердің қаупін ескере отырып, Оңтүстік Корея үкіметі интернет қауіпсіздігіне жағдай жасайды. Оңтүстік Кореяның цифрландыру және киберқауіпсіздік саласындағы тәжірибесі Қазақстан үшін құнды үлгі болып табылатынын атап өткен жөн. Мақалада талқылау мәселелеріне де назар аударылады.