Бұл мақала этникалық сәйкестікті зерттеудегі заманауи теорияларды тереңірек қарастырып, негізгі теориялық негіздерге жан-жақты шолуды ұсынады. Бұл ұғымның негізі батыстық әлеуметтанушылары мен антрополог ғалымдарынан бастау алатындықтан солардың тұжырымдамаларына, еңбектеріне саралау жасалды. Қазіргі қоғамдағы этникалық сәйкестікті қалыптастыруға қатысты түрлі перспективаларды зерттейді.

Себебі этникалық сәйкестілік бұл түрлі пәндерді қамтитын, зерттеушілердің назарын аударған күрделі және көп қырлы құрылым. Этникалық сәйкестілік теорияларын түсінудің тәсілдерін салыстыру және тиісті көзқарастарды анықтау маңызды болып табылады. 

Сонымен қатар, мақалада этнос пен ұлт мәселесін зерттеуде маңызды мәнді иеленетін примордиализм, конструктивизм және инструментализм тәсілдерін бөліп қарастырады. Ал талқылау барысында этникалық сәйкестіктер туралы қарама-қарсы көзқарастарды ұсынатын теориялар талқыланады. Осы көп өлшемді талдау арқылы мақала этникалық сәйкестікті зерттеуге қатысты жан-жақты мәлімет беруге тырысады.

Түрлі теориялық көзқарастардағы түсініктерді біріктіре отырып, ол этникалық сәйкестіктердің динамикалық табиғаты және олардың қазіргі қоғамдардағы әлеуметтік бірігуге, мәдени түрлілікке қатысы туралы түсініктер ұсынады. Этникалық бірегейлікті жан-жақты түсіну үшін түрлі теорияларды біріктірудің маңыздылығына баса назар аударылып және мәдени түрлілікті бағалауды дамыту үшін ұсыныстар берілді.