Зерттеу, Қазақстан Республикасында мемлекеттік қызметшілердің қызметтік әдебін реттеудің негізгі саяси-құқықтық аспектілерін  талдауға арналған. Қызметтік әдептің мемлекеттік аппаратты тиімді қылыптастыруға және саяси-құқықтық реформаларды табысты жүргізуге ықпал ететін элемент ретіндегі маңыздылығы атап өтіледі. Қоғамды демократияландырудың маңызды шарты, әдеп және жауапкершілік қағидаттарының негізі болып табылатын,  жаңа саяси мәдениетке көшу қажеттілігі баса айтылады. Мемлекеттік қызметшілердің іс-әрекеттерінің ашықтығы мен есептілігін қамтамасыз ету маңызды аспект болып табылады. Сондай-ақ мақалада, Қазақстанның  мемлекеттік қызметшілерінің қызметтік әдеп қағидаттары мен стандарттарын құқықтық реттеу мәселелері қарастырылған. Зерттеудің өзектілігі мемлекеттік басқарудың сапасы мен тиімділігін жақсарту, мемлекеттік қызмет жүйесіндегі сыбайлас жемқорлық деңгейін төмендету, мемлекеттік органдар қызметіндегі ашықтықты күшейту және азаматтардың оларға және тұтастай мемлекетке деген сенімін арттыру қажеттілігіммен байланысты. 

Зерттеудің мақсаты - Қазақстан Республикасының мемлекеттік қызмет жүйесіндегі этикалық стандарттарды құқықтық қамтамасыз етуді қарастыру және оны жетілдіру жөнінде ұсынымдар әзірлеу.

Авторлар Қазақстан Республикасының мемлекеттік қызметі туралы заңнамасын мемлекеттік қызметшілердін қызметтік этикасының принциптері мен нормаларын бекіту және оның қолдану практикасы тұрғысынан талданды, қарастырылған мәселелер бойынша ғылыми әдебиетті зерттеді, әлемнің әртүрлі елдеріндегі мемлекеттік қызмет жүйесшде (қызметтік)этика талаптарын нормативтік –құқықтық реттеу бойынша шетелдік тәжірибені зерттеді.

Осы негізде ұлттық заңнаманы жетілдеру бойынша кейбәр ұсыныстар жасалды.