Мақалада Қазақстан Республикасындағы жергілікті өзін-өзі басқару институттарының қазіргі жағдайда әрекет ету механизміне талдау жасалады. Зерттеудің өзектілігі еліміздегі жергілікті өзін-өзі басқаруды дамыту қажеттілігімен түсіндіріледі. Зерттеудің негізгі мақсаты – жергілікті өзін-өзі басқару институттарының тиімділігін бағалау және олардың жұмыс істеуіне әсер ететін факторларды анықтау.Авторлар жергілікті өзін-өзі басқарудың екі негізгі институты – мәслихаттар мен әкім инстиуты нешізінде анализ жасап,. соңғы онжылдықтардағы құрылымдық өзгерістерді талдайды. Мақалада халықтың жергілікті өзін-өзі басқаруға белсенді қатысуының маңыздылығы атап өтіліп, Қазақстанның алдында тұрған пассивтілік пен халықтың билікке сенімсіздігі сияқты мәселелер ғылыми тұрғыда зерттеледі.Зерттеу қолданыстағы деректерді талдауға, сараптамалық қорытындыларға және заңнаманы шолуға негізделген әдістемені қолдану арқылы жүзеге асырылады.Зерттеу нәтижесінде Қазақстан Республикасының алдында жергілікті өзін-өзі басқаруды дамыту және демократиялық өзгерістер бойынша маңызды таңдау тұр деген қорытынды жасалды. Бұл жұмыс жергілікті өзін-өзі басқару туралы білім саласына ықпал етеді және Қазақстандағы жергілікті өзін-өзі басқару жүйесін жетілдіру бойынша практикалық бағдарлар анықталды. Зерттеу нәтижелері жергілікті өзін-өзі басқару саласындағы саясатты әзірлеуге және жергілікті деңгейде басқаруға азаматтардың қатысуына практикалық әсер етеді.