Мақалада цифрлық қоғамның дамуы және мемлекет пен азаматтар арасындағы электрон-дық өзара іс-қимыл тетіктерінің кеңеюі жағдайында Қазақстан Республикасындағы азаматтық қатысудың цифрлық нысандарының саяси белсенділіктің трансформациясына ықпалы қарастырылады. Зерттеудің өзектілігі қоғамдық-саяси үдерістердегі цифрлық технологиялар-дың рөлінің артуымен, азаматтардың қоғамдық қатысуының дәстүрлі тетіктерінің өзгеруімен және қоғамдық коммуникацияның жаңа арналарының қалыптасуымен айқындалады. Зерттеудің мақсаты Қазақстандағы цифрландырудың азаматтық қатысу мен саяси белсенділік-тің өзгеруіне әсерін талдау, сондай-ақ цифрлық азаматтықтың дамуына байланысты негізгі үрдістерді, мүмкіндіктер мен шектеулерді анықтау болып табылады.

Зерттеудің әдіснамалық негізін институционалдық және жүйелік тәсілдер, ғылыми әдебиеттерді талдау, нормативтік-құқықтық құжаттар мен цифрлық платформаларды контент-талдау, кейс-талдау және социологиялық сауалнама әдістері құрайды. Эмпирикалық база ретінде негізінен 18–25 жас аралығындағы жастардан тұратын 156 респонденттің онлайн сауалнама нәтижелері пайдаланылды.

Зерттеу нәтижелері цифрлық платформалардың, әлеуметтік желілердің, электрондық өтініштер мен онлайн петициялардың азаматтық қатысу мен қоғамдық бақылаудың маңызды құралдарына айналғанын көрсетті. Азаматтық белсенділіктің ең кең таралған цифрлық түрлері ретінде әлеуметтік желілерде қоғамдық маңызы бар ақпаратты тарату және онлайн петицияларға қатысу анықталды. Сонымен қатар цифрлық азаматтық қатысудың дамуын халықтың жеткіліксіз ақпараттандырылуы, цифрлық қатысу тетіктерінің тиімділігіне деген сенімнің төмендігі және цифрлық теңсіздіктің сақталуы тежейтіні анықталды.