Автор бұл мақалада әлемдік саясаттағы қазіргі дипломатияның дамуы мен түрлеріне, соның ішінде мәселеге арқау болып отырған цифрлы дипломатияға тоқталады. Сонымен қатар, автор цифрлы дипломатиядағы ақпараттық-коммуникациялық технологиялардың алатын орны мен ролін қарастырады. Әсіресе, цифрлы дипломатияның ҚХР-да қаншалықты қолданыста екендігін талдайды. Ақпараттық-коммуникациялық технологиялардың қазіргі заманғы әлеуеті бастапқы мақсатын да асып түсті. Олардың әлемдік саясаттағы маңызды фактор ретіндегі рөлі мемлекеттер мен басқа да субъектілер арасындағы коммуникациялық байланыстарды жаңғыртып, жеңілдетуге  мүмкіндік береді. Ақпараттық және коммуникациялық технологиялар әлемдік саясаттың ерекше күші болып табылады және саясаттың дәстүрлі салаларында да, желілік кеңістікте де олардың ықпалын таратады.