Автор бұл мақалада қазіргі саясаттағы адам құқықтары, бостандықтары түсініктеріне сипаттама беріп, соның ішінде мәселеге арқау болып отырған ҚХР адам құқықтары мен демократия мәселелеріне тоқталады. Адамның құқықтары, демократия Қытай заңнамасында көрініс табады. Олар елдегі демократиялық институттарды дамытуда қол жеткізілген ең жоғарғы құндылық болып есептеледі. Қытайдың құқықтық жүйесі тек ұлттық ерекшеліктерімен ғана шектелмейді, онда социалистік заңның ерекшелігі де бар. Біздің зерттеуімізде ҚХР экономикалық, әлеуметтік және мәдени құқықтар туралы пактімен және Азаматтық және саяси құқықтар туралы пактімен бекітілген адамның негізгі құқықтары мен бостандықтарын қамтамасыз ету мәселесін талдау қажеттілігі туындаған еді.