Отбасы жеке адамның рухани, мәдени, тұлғалық, физиологиялық дамуын жүзеге асыратын негізгі әлеуметтік институт болып табылады. Соңғы жылдардағы жаһандық өзгерістер отбасы институтына, отбасы-некелік қарым-қатынастарға өзінің ықпалын тигізіп, жұртшылықтың алаңдауын туғызып отырған отбасы дағдарысын дүниеге әкелді. Қазақстандық отбасы институтының трансформациялануы дәстүрлі отбасылық қарым-қатынас түрінен өзге жағымсыз үрдістер белең алуына ықпал етті. Соның бірі - қазіргі уақытта жалғызбасты аналардан тұратын толық емес отбасы санының артуы. Мақалада жалғызбасты аналар санының көбеюінің психологиялық, әлеуметтік- мәдени себептері қарастырылады. Жалғызбасты аналар қазіргі заманғы неке-отбасы қатынастарының вариативті бір түрі ретінде сипатталады.