Зерттеу мақаласында автор әлеуметтік ғылымдардағы зерттеулерді жоспарлау және ұйымдастырудағы сапалық зерттеу әдісінің ерекшеліктері қарастырылады. Тақырыпты зерттеудің маңыздылығын қарастырғанда сандық және сапалық зерттеулердің кез келген бақылау формасында қолданысқа ие тәсілдердің бірі екендігі айтылады. Соның ішінде сандық әдістің негізгі түрлері мен олардың тәжірибелік тұрғыда пайдаланудың маңыздылығы әдістеріне ерекше мән беріледі. Сапалы әдістер негізінде алынған нәтижелерін қолдану оңайға соқпайтындығы жөнінде айтыла келе зерттеушінің алынған нәтижелер бойынша талдау жұмыстарын жүргізудегі жауаптылығына баса назар аударылады. Әлеуметтану әдістерін қолдану салалары мен механизмдері жіті қарастырылады. Сапалық және сандық тәсілдердің өздеріне тән кемшіліктеріне тоқтала келе талдау нәтижесінде алынған қорытындылар әр жағдайда, әртүрлі зерттеушінің бір объектті зерттегендегі нәтижелерінде ұқсастықтардың болмауы да мүмкін екендігі айтылады.