Қазіргі жастардың құндылықтық әлемі өте күрделі, сондықтан әлеуметтанулық зерттеулер арқылы оны толығымен айқындау мүмкін емес. Дегенмен, осы мақала ауқымында студент жастардың құндылықтық бағдарларын анықтауға талпыныс жасалып отыр. Алматы қаласындағы екі жоғары оқу орнының 2 курс студенттері арасында жүргізілген сауалнама зерттеудің эмпирикалық негізі болып табылады.  Зерттеу нәтижесінде нақты қорытындылар жасалып, студент жастардың ең маңызды құндылықтық бағдарлары, олардың өзгеру үрдістері айқындалды. Зерттеу отбасы, еңбекқорлық, денсаулық, білім секілді дәстүрлі құндылықтар студенттердің көпшілігі үшін өте маңызды екенін көрсетті. Сондай-ақ, олардың бір бөлігі тұлғалық дамуға, өмірде өз жолын табуға, өз әлеуетін жүзеге асыруға және әлеуметтік мәртебеге ие болуға ұмтылатыны анықталды.